Bakker Sjoerd Jellema oet Zwindern: ‘Drèents is een underdeel van wie ik bin’ | Hier kom ik weg

De rubriek Hier kom ik weg is een samenwarking met het Huus van de Taol en giet over Drenten en heur verhalen. Sjoerd Jellema oet Zwindern hef jaorenlang de wereld over reisd veur zien wark, maor weerum hen Drenthe vuulde veur hum as thuuskommen.

Sjoerd Jellema: 'In mien veurige wark was ofdwaald van wat ik het liefste doe: stoet bakken'.

Sjoerd Jellema: 'In mien veurige wark was ofdwaald van wat ik het liefste doe: stoet bakken'. Eigen foto

„Toen ik veur de eerste maol bij Bakkerij Faber in Hoogeveen kwam, stun daor de allerduurste Mercedes die aj veurstellen kunt. De auto van de toenmaolige directeur. En ik kwam daor an met mien afgetrapte Renault, die niet meer starten wol toen a’k wuggung.” Sjoerd Jellema (60) lacht hard. „Ze moet wel dacht hebben: wat is dit veur neie directeur?”