Robbert Oosting is programmamaker bij RTV Drenthe: 'Ik bin gien neisjournalist, meer een verhalenverteller’ | hier kom ik weg

De rubriek Hier kom ik weg is een samenwarking met het Huus van de Taol en giet over Drenten en heur verhalen. Robbert Oosting (31) oet Hooghaolen is programmamaker bij RTV Drenthe en prissenteert deurgaons in het Drèents. Maor in zien neiste tv-programma, de serie Haandwark die dreit um ambachtslu, wordt juust níet spreuken.

Robbert Oosting, programmamaker uit Hooghalen.

Robbert Oosting, programmamaker uit Hooghalen. Foto: RTV Drenthe

As puber oet Hooghaolen op weg naor de middelbare schoel in Assen fietste Robbert Oosting alle dagen langs het gebouw van RTV Drenthe. ,,Ik har toen ok al een fascinatie veur filmen en dacht: a’k daor nou toch ies warken kun later…”

Hij begunde met filmen met de eerste videocamera van zien olders. ,,Met plastic speulgoedsoldaties nam ik oorlogsfilms op. Monteren kun ik nog niet iens”, gniest e. De filmacademie lek hum mooi, maor de strenge selectie mak het niet antrekkelijk. ,,En dan har ik in Amsterdam moeten wonen. Achterof denk ik da’k dat stiekem ok hielemaol niet wol.”

Nieuws

Meest gelezen

menu