Saakje van Tellingen-Uiterwijk uit Schoonoord is secretaris van Openluchtmuseum Ellert en Brammert: ‘Ik vind het belangriek dat mien taol bewaord blef’ | Hier kom ik weg

De rubriek Hier kom ik weg is een samenwarking met het Huus van de Taol en giet over Drenten en heur verhalen. Saakje van Tellingen-Uiterwijk (65) oet Skonnerd is secretaris van Openluchtmuseum Ellert en Brammert. Het Drèents giet heur an het hart en daor zet ze zuch, as streektaolvrijwilliger, veur in.

Saakje van Tellingen-Uiterwijk zet zuch in veur het behold van de streektaol.

Saakje van Tellingen-Uiterwijk zet zuch in veur het behold van de streektaol. Foto: DvhN

Veurdaw zitten gaot in heur hoes kört bij de brug op Skonnerd, lat Saakje van Tellingen eerst zien hoe of het stiet met de verbouwing. Het mieste wark döt ze hielemaol zölf. In juli veurig jaor hef ze heur man Thijs verleuren, nao een lang ziekbed, maor bij de pakken neerzetten döt ze niet.

,,Kiek, daor stiet e”, wes ze aw in de kamer zit. Op de vensterbaank staot twee beelden van een oel en een hoendervalk. ,,Dat waren zien lievelingsdieren en daor zit zien as in. ’A’k dood bin, wil ik met de bek veur het raom staon’, hef e zegd.” Ze lacht. ,,Ja, dat vin’k humor.”

Nieuws

menu