Bertus Witteveen: 'Ik mag het mèensen graag naor de zin maken' | Hier kom ik weg

De rubriek Hier kom ik weg is een samenwarking met het Huus van de Taol en giet over Drenten en heur verhalen. Bertus Witteveen en Börk bint unlösmakelijk met mekaar verbunden. De eigenaar van café-restaurant Diggels is een anjager van activiteiten in het dörp. Maor tot 23 jaor leden was e haost nog nooit in Drenthe west.

Bertus Witteveen: ,,Vrogger kwam ik nooit in Drenthe.’’

Bertus Witteveen: ,,Vrogger kwam ik nooit in Drenthe.’’ foto: DvhN

De samenwarking tussen de horecaundernimmers in Börk is goed. Vanof dat e in 1999 Diggels overnam, is Bertus Witteveen met zien collega’s gangs west um toeristen naor het dörp te kriegen deur activiteiten te organiseren, zoas markten en festivals. ,,Dat is goed lukt en nou kunw as horeca op goeie dagen, zoas bijveurbeeld Hemelvaortsdag dit jaor, de anvoer van gasten amper an. Dat is echt een luxeprobleem.”

Witteveen zit in de zun op het terras van Diggels. De 61-jaorige horecaman lek Drèents te praoten, maor in wezen in het een mix van het Drèents en het Sallands. Hij komp van Lemelerveld.

Nieuws

menu