Gert Lubbers oet Daolen: 'Gesprekken in het Drèents vuult geliekweerdig' | hier kom ik weg

De rubriek Hier kom ik weg is een samenwarking met het Huus van de Taol en giet over Drenten en heur verhalen. Gert Lubbers (54) oet Daolen is agrarisch makelaar in Zuudoost-Drenthe en prat haost altied Drèents. In zien wark komp dat oetstekend van pas.

Gert Lubbers: Veurig jaor he’k veur het eerst meer as 150 bunder in ien jaor verkocht.

Gert Lubbers: Veurig jaor he’k veur het eerst meer as 150 bunder in ien jaor verkocht. Eigen foto

,,Hier kom ik weg en hier zal ik blieven”, zeg Gert Lubbers stellig an het begun van het gesprek. Hij wil nooit meer vort oet Drenthe. Vief jaor hef e in Grunning woond veur zien studie agrarische economie en dat was ‘t. ,,Ik zat in de klas bij veul jongen oet Drenthe die net as ik van de boerderij kwamen. Wij preuten ok vaak gewoon plat.”

Lubbers komp oet Benneveld. Zien olders hebt eerst een gemengd bedrief, later akkerbouw en dreugbloemen. ,,Mien breur hef de boerderij overnummen en is stopt met de dreugbloemen, maor sinds een paar jaor hef e ze weer. Ze bint weer in. ‘Stofnusten’ wordt wal ies zegd, dat vin ik een mooi Drèents woord”, lacht e.

Nieuws

menu