Hier kom ik weg: Grazende koenen van Tessa en Wim Ram nimt diel an online vergaderingen

De rubriek Hier kom ik weg giet over Drenthe, heur inwoners en heur verhalen. Illustratie: Dagblad van het Noorden

De rubriek Hier kom ik weg is een samenwarking met het Huus van de Taol en giet over Drenthe, heur inwoners en heur verhalen. Tessa Ram hef samen met heur man Wim boerderij De Blakervelderhoeve in Langelo, waor ze zeldzame vee-rassen holdt. Sinds kört doet ze wat neis: mooting.

Aw veur de ofrastering bij de koenen staot, is geliek dudelk waor het woord mooting vortkomp. ‘Mooooeeeee’! klinkt het luudkeels vanoet de wei as de Grönninger Blaarkoppen en de Lakenvelders boer Wim Ram, boerin Tessa en de verslaggeefster in ‘t vizier kriegt. Combineer het geluud van loeiende koenen met het woord meeting, ofwal de online vergadering waor haost gien warkend mèens umhen kan in dizze coronatied, en zie daor: mooting

Veur de camera

Blaarkop Klara is der klaor veur. Ze stiet wal tussen de rest van de kudde, maor boer Wim hef even een afrastering um heur toe maakt, zodat de aandere koenen niet bij heur kommen kunt. Tessa zet een statief met heur filmende tillefoon daorop veur Klara en de mooting kan begunnen.

,,Het is een idee van Peter Neef, een kennis van ons”, zeg Tessa. ,,Hij had op internet gezien dat mensen in Amerika een lama live streamden tijdens een vergadering. Dat leek hem ook leuk, maar dan met boerderijdieren.” Neef zien mam is vaste klant van de boerderijwinkel van het stel in Langelo en zo was het contact gauw legd.

Klara, Valentina en Anna

Tessa: ,,Veel mensen moeten in deze tijd via een scherm vergaderen. Best saai. Door een koe of een schaap toe te voegen aan de meeting, maak je het wat luchtiger.” En zo ziet de lu, die kiest veur mooting, naost collega’s ok koe Klara, koe Valentina of Zwartblesschaop Anna grazen. Een rustgevende anblik, denkt Tessa. ,,En het is natuurlijk ook gewoon grappig.”

Het past ok in de overtuging van het stel um, behalve gezond vleis te produceren, burgers meer met de boer in anraking te brengen. Wim hef een veurliefde veur zeldzame rassen en daorum begund’e in 2010 de Blakervelderhoeve in Roden. Twie jaor later kwam Tessa derbij en veurig jaor bint ze samen met heur bedrief hen Langelo verhoesd.

Coronadrokte

De Blakervelderhoeve hef non zo’n tachtig Grönninger Blaarkoppen en Lakenvelders. De mannegies wordt op 3-jaorige leeftied slacht en het vleis wordt in de boerderijwinkel en an de horeca verkocht Tessa: ,,Volgende maand is onze nieuwe melkstal klaar en gaan we de vrouwtjes melken. Daarvan laten we kaas maken.”

As de stal klaor is, bouwt ze ok een ontvangstruumte die ze verhuren gaot. Zo kunt ze meer mèensen ontvangen en heur bedrief, dat non vanwege de coronacrisis sleuten is veur publiek, zien laoten. Maor de crisis böd ok kansen, zöt het stel. Niet allent in de vörm van mooting. Tessa: ,,We kunnen momenteel wel twee koeien per week slachten, want het vlees is niet aan te slepen. Het is net of iedereen in deze coronatijd gezond gaat eten. We hebben het nog nooit zo druk gehad.”

Nieuws

Meest gelezen

menu