Schriever Janny Anna Linde oet Zuudwolde: 'Het is geweldig um oen fantasie te laoten warken, de warkelijkheid is vake niet zo mooi' | Hier kom ik weg

De rubriek Hier kom ik weg is een samenwarking met het Huus van de Taol en giet over Drenten en heur verhalen. Jenny Anna Linde schref al heur hiele leven. Veurige week verscheen heur eerste verhalenbundel Golden Vissies.

Golden Vissies is veurige week prissenteerd bij het Huus van de Taol.

Golden Vissies is veurige week prissenteerd bij het Huus van de Taol. Foto: Huus van de Taol

„Het is een soort verleidingspoging…” Jenny Anna Linde gniest as ze kek naor het boek veur heur op de taofel. „De eerste virtig pagina’s van Golden Vissies bint heufdzakelijk eschreven in het Nederlands, mit of en toe iene die wat Dreints prat. Daornao komp der aal meer streektaol in. Zo langzamerhaand leid ik de lezer naor het Dreints, zodat meinsen zien kunt dat het toch best makkelijk te lezen is.”