Marchien Brons uit Emmen: 'Een taol gef de mèensen kleur' | hier kom ik weg

De rubriek Hier kom ik weg is een samenwarking met het Huus van de Taol en giet over Drenten en heur verhalen. Marchien Brons (67) hef roem 45 jaor bij de bibliotheek in Emmen warkt, waorvan ze hiel wat jaoren directeur west hef. As pensionado döt de Emmense nou vrijwilligerswark en zit ze ok in het bestuur van het Huus van de Taol.

Marchien Brons.

Marchien Brons. Foto: Wytse Bouma

Op heur 4de leup Marchien Brons al in de bibliotheek op Veenoord. Ze gruide daor op op een boerderij en heur mam stimuleerde het lezen, wat in die tied niet zo gewoon was. ,,Zij har ulo daon en hef op de administraotsie van uutgeverij Van Gorcum warkt. As mien pap hen melken was, las mam mij en mien zussie veur.”

Brons is al vrog een boekenwurm en giet nao de Bibliotheek- en Documentatieacademie an ‘t wark bij de bieb in Emmen. ,,Ik mus van alles doen, ok wel minder mooie klussies. Ik was 20 jaor en duurde niks te zeggen. Dat zul mij nou niet meer gebeuren”, lacht ze.

Nieuws

menu