Sieman Wachtmeester oet Nietap: 'Ik bin trots da'k gewoon Drèents praoten kan' | Hier kom ik weg

De rubriek Hier kom ik weg is een samenwarking met het Huus van de Taol en giet over Drenten en heur verhalen. Siemen Wachtmeester oet Nietap is teamleider facilitair bij zörgorganisatie Interzorg. De streektaol komt van pas op zien wark bij de woonzörgcentrum De Hoprank in Peize.

Siemen Wachtmeester: 'ik bin en blief een Elemiet. Daor kom ik weg'

Siemen Wachtmeester: 'ik bin en blief een Elemiet. Daor kom ik weg' Foto: Carla Gorter Fotografie

As geboren Elemiet is de streektaol Siemen Wachtmeester (52) met de paplepel ingeuten. „Tot mien 14e bin ik op-egruid op Elim. Toen binne wij verhuusd hen Veenhuzen. Mien pap was eerst bouwvakker, mar kun in het gevangenisdörp an de slag bij defensie. Het was een hiele overgang van het bescharmde Elim naor Veenhuzen.”